A longametragem de animaçom em euskera “Gartxot”chegará aos cines da Galiza o 23 de março com subtítulos em galego

A longametragem de animaçom em euskara ‘Gartxot, konkista aitzineko konkista” (Gartxot, a conquista antes da conquista), dirigido por Juanjo Elordi e Asisko Urmeneta e producido por Somuga, chegará aos cines de Santiago de Compostela o próximo 23 de março. O filme -que conta com música de Benito Lertxundi e as vozes de conhecidos cantantes da zona do Pirineo baixonavarro e suletino-, supóm todo um reto, pois se trata dumha fita de animaçom para adultos, que se projecta únicamente em euskara. Na Galiza, o filme passara-se no cine Compostela de Santiago, com subtítulos en galego. Estrenada no País Vasco o passado 18 de novembro, ‘Gartxot’ recebeu excelentes críticas e umha boa acolhida por parte do público.

Fruto de quatro anos de trabalho, ‘Gartxot’ é umha mestura de tragédia romántica e filme de aventuras, filmada com uns desenhos innovadores com ar cubista, umhas paisages que evocam o romantismo e um guióm que busca a emoçom. Está baseada numha narraçom que o escritor Arturo Campión publicou em 1917 apoiando-se numha antiga lenda do Val de Salazar, Navarra, sobre os bardos, cantantes populares que preservavam a memória e a cultura do seu povo. Nesta história, o Abade de Roncesvales desterra o bardo Gartxot e rapta o seu filho Mikelot para que cante em latim ao servizo da Igleja. Mikelot consegue escapar do convento e é perseguido polos temíveis monjes guerreiros. A partir de aí desencadea-sela tragédia.

A história de Gartxot converteu-se com o tempo num símbolo que proclama a liberdade para crear em euskera. Assi o interpretarom os diferentes coletivos que derom vida a esta lenda umha e outra vez desde a sua publicaçom: como peza teatral, estrenou-se en Buenos Aires em 1948 e, em Pamplona nos 80 montou-se outra versom; o cantante Benito Lertxundi compuxo um álbum mítico em 1981 e o próprio Asisko Urmeneta creou umha banda desenhada de título homónimo que foi galardoado em 2003 com o prémio Mediterráneo no Salóm Internacional de Banda Desenhada de Ajaccio (Córcega).

O projecto cinematográfico conta com a implicaçom do cantante Benito Lertxundi quem, ademais de ser o compositor das cancions do filme, puxo voz a um dos personages, junto á cantante Olatz Zugasti. A maioria dos actores que puxerom as vozes tenhem experiéncia nas Pastories suletinas e alguns deles som músicos de sona no campo da música tradicional.

Gartxot’ é a quinta longametrage de animaçom de Juanjo Elordi (Markina, Bizkaia, 1970), tras Olentzero (2002), Los balunis (2004), Olentzero y el tronco mágico (2005) e La vuelta al mundo ¡gratis! (2009), este último co-dirigido com Asisko Urmeneta (Pamplona, 1965). Urmeneta é um artista multifacético, conhecido como autor de banda desenhada, desenhador da firma Kukuxumusu e ilustrador, que em 2009 publico o tebeo ‘Gartxot’, ponto de partida deste projecto cinematográfico.

Esta longametrage, que tivo o seu precedente numha curta do mesmo título que o ano passado foi nominado ao Goya de animaçom, contou com a participaçom da Consejería de Cultura do Goberno Vasco, o Goberno de Navarra e EITB, entre outras entidades.

O cine Compostela acolherá o día 21 umha roda de prensa (com prévio passe cinematográfico), que contará com a preséncia dum dos seus directores, Asisko Urmeneta. Próximamente enviaremos a convocatória.

Para solicitar entrevistas, images ou mais informaçom:

Karolina Almagia – Responsable de Prensa

Tf: 616 84 14 77 – prentsa@kalmagia.com

Anuncios